Bollano: Nuk do të lëmë asnjë votë të na shkojë kot

Ο αλβανικός τύπος στη μάχη για την επανεκλογή Μπολάνου.
Eφημερίδα SHQIP: 8 maji, Bollano kërkon të importojë votues me autobusë
Partitë politike përgatiten për të importuar votues në zgjedhjet lokale të 8 majit. Kandidatët për kryetarë bashkie apo komune në këto zgjedhje vendore nga zonat jugore të vendit kanë nisur një tur takimesh elektorale jo vetëm në zonat e tyre, por edhe përtej kufijve të Shqipërisë.
Historia e vërshimit të emigrantëve shqiptarë nga Greqia në Shqipëri ditën e votimit pritet të ripërsëritet edhe më 8 maj. Rasti i parë është Bashkia e Himarës dhe kandidati potencial i saj, Vasil Bollano. I kontaktuar nga “Shqip”, kryetari në detyrë i Bashkisë së Himarës dhe kandidati i PBDNJ-së, Vasil Bollano, ka bërë me dije se “më 8 maj, ne nuk do të lëmë asnjë votë që të na shkojë kot”. Pyetjes së drejtpërdrejtë të “Shqip” nëse do të votojnë emigrantët shqiptarë që jetojnë në Greqi dhe a do të përsëritet fenomeni i zgjedhjeve të kaluara për ardhjen e autobusëve me emigrantë nga vendi ynë fqinj, Bollano megjithëse është treguar diplomat në përgjigjen e tij, ka lënë të kuptojë se doganat mes Shqipërisë dhe Greqisë, Kapshtica, Tre Urat, Qafë Boti dhe Kakavija më 8 maj do të presin një ‘lum’ shqiptarësh që do të vijnë në Shqipëri për të votuar. “Të jeni i sigurt që ne nuk do të lëmë asnjë votë që të na shkojë kot. Pjesëmarrja në zgjedhje gjithmonë ka kapur shifrat 30-33% dhe do të ishte dashamirëse nëse kjo shifër do të rritej dhe për këtë duhet të kontribuojnë edhe ata që janë jashtë Shqipërie. Është detyrim për të votuar”, tha Bollano. Qëndrimi i kryebashkiakut të Himarës për ardhjen e autobusëve me emigrantë ditën e votimit përforcohet edhe më shumë kur ai thotë se këtë lëvizje e konsideron si pozitive. “Mendoj se një lëvizje për të sjellë shqiptarët në qendrat e votimit është diçka pozitive e cila ndihmon edhe në rritjen e numrit të pjesëmarrësve më 8 maj, në zgjedhje. Është e drejta e çdo votuesi dhe detyrim i çdo qytetari që të votojë ditën e votimit”, tha Bollano. Historia e zgjedhjeve të kaluara në Himarë pritet të ripërsëritet më 8 maj. Në zgjedhjet e qershorit të vitit 2001, pati një zbarkim masiv të himarjotëve në vendlindjen e tyre në prag të zgjedhjeve parlamentare. Në vitin 2001, në ditën e zgjedhjeve erdhën 40 autobusë nga Athina në mbështetje të kandidatit Vasil Bollano. Jo vetëm kaq, por në ato zgjedhje në Himarë u panë edhe europarlamentarë grekë. Edhe në vitin 2007, kur Bollano kandidonte për kryetar bashkie, vetëm në Kakavijë kaluan gjatë ditës së votimit rreth 100 autobusë. Por lufta për votën e emigrantëve nuk bëhet vetëm në Himarë, por edhe në zona të tilla si Korça, Saranda, Lukova dhe disa qendra të tjera në Jug. Në zgjedhjet lokale të 8 majit do të jenë tre kandidatë për Bashkinë e Himarës. PD dhe PS do të jenë rivalë me Vasil Bollanon, i cili kandidon nën siglën e PBDNJ-së. Kjo ndarje e votave në mënyrë të pashmangshme sjell favorizim për Bollanon, i cili dhe këtë herë si zakonisht pritet të sjellë disa autobusë me njerëz nga Greqia dhe do të vazhdojë të jetë kryetar bashkie edhe për katër vjet të tjera. Strategjia e vetme që Bollano të humbasë është një pakt qoftë edhe i nëndheshëm i dy forcave kryesore për këtë zonë, gjë e cila edhe më 8 maj nuk pritet të ndodhë.