Irakli Gjiçali : Dështimet e Bollanos në Himarë

Vasil Bollano pas dhjetë vjetësh në krye të bashkisë së Himarës, kandidon sërish për këtë post në emër të PBDNJ-së. I lakuar dhe i proceduar për politika të mbrapshta ai nuk e meriton besimin e himarjotëve. Por më shumë se për këto kusure të Bollanos, unë do të flas këtu për programet e tij të parealizuara. Programet janë pothuaj të njëllojta nga 2000 deri në 2011. Ato janë kopjuar nga e para me ndryshim të vetëm që është shpupuritur renditja e pikave. Por kjo nuk është me e rëndësishmja.
Ajo që është themelore se nga këto programe është realizuar vetëm 5 për qind e tyre. Jo, jo, nuk e kam gabim, është realizuar vetëm 5 % e premtimeve paraelektorale. Le t’i marrim me radhë:

-12 Tetor 2003...a- do të bëjmë të pamundurën që të krijohen qendra shëndetësore modeste në çdo fshat... Nuk është realizuar asgjë në këtë drejtim. b- të zgjidhet çështja e rimbursimit të ilaçeve. Kot e ka thënë, se ka ky në dorë por llafe fushatash janë. c- tek pika 2....përpjekje që shteti të marrë në mbrojtje objektet me vlera historike e arkitekturore të krahinës. Komenti: Jo vetëm që nuk është bërë asgjë, por rrënojat e prishjeve të ndërtimeve në 2004 nga ana e Bollanos, tek Shpella Prehistorike e Spiles, akoma janë aty edhe sot, ndërsa grykëderdhja e Çikës në Dhralë që është monument kulture, mbrohet nga shteti, i është dhënë leje nga Bashkia Ilia Stramarko, një militant i Bollanos dhe ka evaduar nga aty disa mijëra m3 rërë për tregti personale, një krim i hapur në këtë drejtim. Pika 3-...zgjidhjen përfundimtare të realizimit të së drejtës së pronës vetjake si domosdoshmëri për zhvillimin. Komenti ynë: E dinë të gjithë që jo vetëm nuk është bërë asgjë...por nga 2003 e deri sot mafia e pronave ka xhvatur disa qindra hektarë toke kullota, fusha fshati, livadhe, plazhe, prona të kishës etj., etj...dhe kjo me pranin e Bashkisë sonë këtu. Pika 4- Turizmi...të hidhen themelet për një turizëm bashkëkohor e afatgjatë…Sa keq, ne po na largohen turistët sepse nuk është bërë asgjë me të cilën të mburret Bashkia jonë. Pika 5...ruajtja e pyllëzimit nga djegiet, ruajtja e faunës dhe ambientit detar. Komenti ynë: Nuk është bërë asgjë dhe nuk ka asnjë  praktikë dokumentare për shpenzime dhe investime nga Bashkia në këtë drejtim në këto tetë vjet. Pika 6 –Investimet...do bëhen 15 km, rrugë të brendshme...deri në 2009, nuk është bërë asnjë metër linear... Do të bëhet rikonstruksion ujësjellësit të Kudhësit dhe të Pilurit... Komenti ynë: Rro Maj të hash tërfil. Piluri ka malin ç’e do ujin...?! Më poshtë thirrja e Bollanos garanton qytetarët për një qeverisje lokale të ndershme, transparente sipas Kartës së Autonomisë Lokale, ...qeverisjes me njerëz të aftë profesionalisht, të pakorruptuar dhe me vizion. (Gënjeshtër me bisht...96 vetë në organikën e administratës së Bashkisë nga të cilët nuk besoj se janë 3 specialistë gjithsej... pra me këta njerëz si do ta realizojë ky kryetar programin e tij që publikon),..më tej: qeverisje lokale me programe të qarta e konkrete... qeverisje e orientuar për ruajtjen e vlerave kulturore e historike...  Komenti ynë: Tani pas kaq kohësh të vjen rëndë që të përmendësh gënjeshtrat elektorale dhe turpet e Kryetarit që ka qeverisur këtë vend. Ka dhjetëra kërkesa për transparencë nga Bollanua për shpërdorim të fondeve publike dhe asnjëherë ai nuk ka pranuar të bëjë transparencë në Këshillin Bashkiak. Në këtë vështrim po ju dërgoj kopjon e fletës publicitare të Ministrisë së Jashtme të Greqisë që ka dhënë 390.000 euro për ujësjellësin Dhërmi që nuk figurojnë fare në Bashki, se ku kanë shkuar, si dhe Fatura e Qeverisë së Kosovës për 27.405 euro ndihmë materiale, të cilat u hodhën sa andej-këtej, u shitën, u vodhën dhe me ca para u bë dhe një dreke me krerët e Bashkisë dhe të PD që kaloi vlerën prej 1800 euro. Por gënjeshtrat nuk kanë fund.

Më poshtë thotë: Marrjen e masave afatgjate për mandatin 2007-2011...programi për 32 projekte... në infrastrukturë, arsim, kulturë, mjedis, shëndetit... 7 projekte nga Banka Botërore, 1 nga Ministria Kulturës, dy nga t’ardhurat e Bashkisë.. një nga Ministria e Transporteve... Komenti ynë është se nga 2 projekte me t’ardhurat e Bashkisë nuk është bërë asnjë, por edhe projekti i KUZ me BB, nuk është bërë. Gjithashtu nuk janë bërë dhe kërkohet urgjentisht edhe sot; Ujësjellësi Gjilek që përfshihej edhe tek fondi 390.000 euro të M.P.Jashtme të Greqisë. Po kështu nuk janë bërë ujësjellësi Vuno, ndriçimi Qeparo, ujësjellësi Kudhës...të bën përshtypje që megjithëse nuk u realizua 3- vjeçarin e parë, ujësjellësi i Pilurit nuk u vu fare në 4- vjeçarin pasardhës..., investime në fushën e arsimit... shifrat në fakt janë nul...zero..., po kështu nuk u bë projekti për qendrën e diagnostikimit në bashkëpunim me kryepeshkopin, nuk u bë krijimi i dy parqeve për mbrojtjen nga erozioni dhe të florës e faunës... si dhe projekti për rezerva ujore, që kjo e fundit është bërë një shpim për ujë ku u harxhuan 420.000 euro, por prapë ujë nuk ka nga ky burim dhe më e rëndësishmja është se nuk dimë kush i pagoi dhe sa pagoi për këtë shpim sepse në bashki nuk figuron asnjë dokument se kush ja bëri këtë dhuratë Himarës dhe himarjotëve. Pra në përfundim...fjala nuk është bërë është përsëritur 95 herë dhe është bërë vetëm 5 herë.  Në këtë vështrim shihni dhe vlerësoni punën e Kryetarit tonë Bollano dhe më vonë...flasim. Besoj se, ky program i njëjtë do të jetë edhe për 4 -vjeçarin e ardhshëm dhe të na rrojë e motra e burrit…?!.

Si ky program është edhe ai i të djathtës së Savo Priftit, i cili në 2003-2006 ishte në bashkëqeverisje me Bollanon dhe kishte programin që komentuam me sipër, kurse në 4 -vjeçarin tjetër ishte prapë në unison me të duke e mbështetur plotësisht, (pra kanë ngrënë e kanë pirë bashkë në një tavë) dhe sa për “programet” himarjotët dhe të pinë uthull nga dyshja sulmuese Bollano-Prifti). Nuk mund te flas për programin e Mega, të Llazarit, sepse nuk e kam parë një program të tillë, gjë që nuk është publikuar, por mendoj se ky subjekt nuk mund të bëjë një program sado modest dhe me rezerva, përderisa si person dhe si subjekt nuk ka asnjë mbështetje me specialistë e intelektualë dhe nuk ka asnjë përvojë pune e jetese në këtë Bashki. Programi i të majtës dhe Jorgo Goros, i cili është publikuar dhe besoj se njihet nga opinioni, është më i arrirë dhe meriton vlerësim pozitiv...këtë do t’ia lë opinionit të bëjë komentet e veta. Për krahas politikës program të detajuar ka edhe Grupi i Pavarur i Intelektualëve të Himarës, i cili për shkaqe të censurës politike dhe të ndrydhjes nga kjo e fundit e të drejtës kushtetuese për të shprehur vullnetin e 670 zgjedhësve himarjotë me Kandidatin e Pavarur për kryetar...erdhi me vonesë, nuk mundi që të  riorganizohet në kohë etj., etj.. Nga ky grup është hartuar një program, pjesë të të cilit janë publikuar dhe mendojmë qe vetëm programi i kandidatit Goro i afrohet dhe pranohet nga ana e tyre duke kërkuar edhe bashkëpunim, një alternativë që të gjithë mbështetësit e mi firmëtarë, e kërkojnë të bëhet realitet ky bashkëpunim.